|
| E-mag |
| Rubriques |
 Grèves de la Faim
Affamés de liberté Internautes de Zarzis
La jeunesse souffre-douleur de Ben Ali Des Liens
Pour découvrir Censure
Les Clefs
Pour comprendre le site International
Ça se passe ailleurs Prisonniers d’opinion
Prisonniers de l’Injustice Un peu d’Actu
Ça se passe au bled Free Galerie
Voir, écouter, li(b)re القسم العربي
Chantier Démocratique
Débattre...Construire Zouhair Yahyaoui
ettounsi de TUNeZINE Le Forum - المنتدى
ARCHIVES |
| الرؤية التاريخية لي يزي فك والثمنطاش من اكتوبر المجيد
|
|
اول من قال يزي فك ضذ الظلم والاستبداد وضذ الزابا الزابا هي امي دوجة ,, الي في الحقيقة هي ام التونسة الكل و الي كيما يقول القايل امي دوجة الي ساقيها حفات و تعرات من حومة لحومة ومن نهج الى نهج و من زنقة لزنقة و هي تقول يزي فك ونزيد نقوللكم امي دوجة ملي الزابا كان مدير الامن عفوا مدير القطعية ,,,كانت امي دوجة تقول اعليه اكا فرخ لحرام وجهو ما يجيب خير يا ويح تونس منو ,,, ونهارت الي تقلب على سيدو الي كان يغسللو في كلاسنو حاشاكم,,, وشد يقرى في البيان متع سبعة الحية يا اراها تلدغو وامي دوجة قالت يكذب,,, يا زابا يزي فك من الكذب,,, ولكن لا حياة لمن تنادي,,,ولد لحرام تمسخر عليهم الناس الكل بكلمتين متع انشاء و الي زادت قالتلهم بف الزواولية لمساكن الي خرجو للقصبة ,,,يقولو ربي و النبي معاك يـــــــــــــــــــــــــــا.........زابا زابا رئيس المهم اش علينا في الي فات ,, نحن ولاد اليوم,,, صحيح امي دوجة كانت ما تحملشي جماعة البولي تكنيك كيما تقول هي*البوليتيك* لكن اول مرة امي دوجة تزغرط و تزغريطها وصل لدار جيراننا اخي بنت جيرانا فضيلة الحولة جاتني تجري للقهوة ...قتلي اجري يا شنفرة راهي امك دبرتلك عروسة هاي شايخة بالتزغريط و خزرتلي للا فضيلة و قتلي زعمه امك نوات علية ...خوكم زعمة لطيرت علية الفرحة قلتلها ابعد من قدامي الي يصبح عليك يبات في بوشوشة,,,يا جماعة انا دخلت للدار......... ونلقى امي دوجة اتكات على السردوك المصري اعز ما عندي في الدار بعد فرفور....قلتلها علاش يامي هذاكا راهو باندي الربط ندبر بيه في مصروفي السرادك الكل بركها ....قتلي يا وليدي مازال ثم سرادك في لبلاد الزابا زابا قعد وحدو في البلاد يسردك...اما ذبحاني في سردوكك راهو فال خير... اش ثمه يا دوجة,,,, قامت تزغرط وقتلي رجال لحمادة قامو من جديد...كيفاه يا دوجة,,,قتلي يا وليدي اهوك تعبي وجرياني ما مشاش خسارة وربي صلح في ذرية الخضراء و اول مرة في تاريخ تونس تتحد لقبايل *تقصد لحزاب* على مصلحة الخضراء و شعبها المسكين ...الي ذبحتو ليلى الحجامة هي و عايلتها الطرابلسية..اكا الي كانو يغنو في الراديو سلم عليك العقل ونقلك نبيـــــــــــــــك نبيــــــــــــك المهم قتلي يا وليدي سردوكك باش نعملو في قصعة كسكسي دياري و تهزو لرجال لحمادة ,, و تقوللهم قالتلكم دوجة تونس ما هيشي عاقرة و مازالت تجيب الرجال..و قتلي يا وليدي 18 يطيحو السبعة بقدرة ربي و انا معاهم وعملت تزغريطة فزعت الفايق و النايم...والسحر متع جماعة لقصر و السحارة الي دايرين بيه نقولولهم ان شاء الله ما يحوكش و لغمامة تنحات على العينين والزعبع ما عاد يولي زين مهنتي من اكبر المهن المشهورة في العالم العربي(عاطل عن العمل)اكره الطاغوت و الاستعمار و الاستحمار احب التغيير و النفير أئيد المقاومة و طلب الحرية و أكره الجبن و الخنوع و المذلة و الترهدين و عياقة الوالدين |
| الشنفرة شاد سيفو 8-11-2005 |